كثير من أصحاب العيادات يقولون "جربنا الإعلانات وما نفعت". غالبًا المشكلة مو في الإعلان نفسه، في أخطاء تتكرر. هذي أشهرها:
1. الهدف مو واضح
إعلان هدفه "نشر الوعي" ما تنتظر منه حجوزات. حدد من البداية: رسائل واتساب، اتصالات، أو زيارات لصفحة حجز.
2. استهداف واسع جدًا
المريض ما يروح لعيادة بعيدة عنه غالبًا. ركّز على نطاق جغرافي منطقي حول العيادة.
3. الإعلان يودّي للمكان الغلط
الصفحة اللي يوصلها المريض لازم تكمل نفس رسالة الإعلان، وفيها زر واتساب أو اتصال واضح.
4. الرد متأخر
استفسار ينتظر ساعات غالبًا راح لعيادة ثانية. الإعلان يجيب الفرصة، والاستقبال هو اللي يحوّلها حجز. (اقرأ: كيف تحوّل استفسارات الواتساب لحجوزات)
5. إيقاف الحملة بدري
أسبوع أو أسبوعين ما يكفين تحكم. الحملة تحتاج وقت تجمع بيانات وتتحسن.
6. نفس الإعلان شهور
الجمهور يمل من نفس الصورة والنص. جدّد التصاميم والفيديوهات بشكل منتظم.
7. ما فيه قياس
إذا ما تعرف كم حجز جاك من الإعلان، ما تقدر تحكم عليه. اسأل كل مريض جديد: من وين عرفتنا؟
8. محتوى ما يلتزم بالأنظمة
الوعود المبالغ فيها وصور قبل/بعد بدون ضوابط تضر الثقة وقد تعرّض العيادة لمخالفة. التزم بأنظمة الإعلان الصحي.
الخلاصة
الإعلان الناجح للعيادة = هدف واضح + استهداف قريب + صفحة واضحة + رد سريع + صبر وقياس. ولو تبي تفاصيل عن سناب وتيك توك تحديدًا، اقرأ مقالنا عن إعلانات سناب شات وتيك توك للعيادات. وإذا تبي نراجع إعلاناتك الحالية، كلمنا على الواتساب.
أسئلة شائعة
ليش إعلاني يجيب مشاهدات بدون حجوزات؟
غالبًا لأن هدف الحملة مشاهدات مو رسائل، أو لأن الصفحة والرد ما يساعدون المريض يحجز.
كم مدة أجرب قبل ما أحكم؟
شهر على الأقل للتجربة، ويفضّل 3 شهور مع التحسين.
قوقل ولا السوشيال؟
قوقل للي يدوّر على خدمة الحين، والسوشيال لبناء الثقة والطلب. الأفضل الاثنين مع بعض حسب الميزانية.