أول 3 شهور من عمر العيادة هي اللي تحدد سمعتها. المرضى اللي يجونك فيها هم اللي بيقيّمونك ويرشحونك لغيرهم، ولذلك التسويق هنا مو بس إعلانات، هو بناء أساس.
قبل الافتتاح (أسبوعين على الأقل)
- ملف جوجل التجاري: سجّله وأكّده بدري، لأن التأكيد أحيانًا ياخذ أيام. حط التصنيف الصحيح، الصور، وساعات العمل. (التفاصيل في دليل ملف جوجل للعيادات)
- الهوية: شعار وألوان موحدة تمشي معك من اللوحة للسوشيال.
- صفحة أو موقع بسيط: الخدمات، الأطباء، الموقع، وزر واتساب واضح.
- السوشيال: جهّز الحسابات وانشر محتوى «قريبًا»: وراء الكواليس، تعريف بالأطباء، والخدمات.
- الاستقبال: حدد مين يرد على الواتساب وكيف، لأن أول استفسار ضايع هو أول مريض ضايع.
الشهر الأول: الظهور والتقييمات
- اطلب من كل مريض راضٍ يكتب تقييم في قوقل. أول 20 تقييم تفرق كثير في الظهور بقوقل ماب.
- انشر محتوى يعرّف بالأطباء وخبرتهم، لأن المريض يختار الدكتور قبل العيادة.
- عرّف الحي فيك: تواصل مع الجهات القريبة مثل الصيدليات والنوادي والشركات.
الشهر الثاني: الإعلانات المركّزة
- ابدأ بإعلانات قوقل على الخدمات الأهم في نطاق جغرافي قريب من العيادة، لأن اللي يدوّر على الخدمة جاهز يحجز.
- استخدم السوشيال لبناء الثقة، مو بس للعروض.
- قِس كل شي: من وين جا كل استفسار وكم منهم حجز.
الشهر الثالث: التحسين والتوسع
- وقّف اللي ما يجيب حجوزات وزِد اللي يجيب.
- أضف منصة ثانية بس بعد ما تثبت الأولى.
- ابدأ بمحتوى من تجارب المرضى (بموافقتهم وبدون معلومات طبية خاصة).
أخطاء شائعة في البداية
- صرف الميزانية كلها على حفل الافتتاح وما يبقى شي للاستمرار.
- النشر على 5 منصات بنص جهد.
- عروض أسعار مبالغ فيها تجيب مرضى ما يرجعون.
- محتوى طبي ما يلتزم بأنظمة الإعلان الصحي.
الخلاصة
العيادة الجديدة تحتاج أساس قبل الإعلان: ظهور في قوقل ماب، تقييمات، رد سريع، ومحتوى يعرّف بالأطباء. بعدها الإعلانات تشتغل أحسن وبتكلفة أقل. إذا تفتح عيادة قريب، كلمنا على الواتساب ونرتب معك الخطة.
أسئلة شائعة
متى أبدأ التسويق للعيادة الجديدة؟
قبل الافتتاح بأسبوعين على الأقل، عشان تفتح والناس يعرفونك.
هل أبدأ بالإعلانات من أول يوم؟
الأفضل تجهّز ملف جوجل والتقييمات وطريقة الرد أول، بعدها الإعلان يجيب نتيجة أحسن.
وش أهم منصة للبداية؟
قوقل وقوقل ماب، لأن اللي يدوّر على الخدمة غالبًا جاهز يحجز.